Илјадници мигранти се обидоа да влезат во Полска преку официјалниот граничен премин Кузница на белоруската страна.

На полската страна се ангажирани специјалци кои се со целосна опрема и се обидуваат да ги спречат мигрантите. Над подрачјето има хеликоптери, а на преминот пристигна и возило со воден топ. Освен тоа се распоредени и десетици полски полицајци кои ја чуваат границата.

Истовремено, Советот на ЕУ денеска ја прошири правната рамка која овозможува воведување санкции против Белорусија, наведувајќи дека тоа е одговор на инструментализацијата на луѓето што ја спроведува белорускиот режим за политички цели.

Со оваа одлука се прошируваат критериумите кои ќе им овозможат на поединци и субјекти кои ги организираат или придонесуваат за активностите на режимот на Лукашенко кои овозможуваат нелегално преминување на надворешните граници на ЕУ да се најдат на листата на санкционирани.

#Belarus At least 3500 migrants gathered at the border with Poland. This is according to the Polish government pic.twitter.com/RGosIUiNol

— Hanna Liubakova (@HannaLiubakova) November 15, 2021

ФОТО: Твитер