Седум лица загинале, а најмалку 54 се повредени, меѓу кои и 22 деца, во експлозија на гас во близина на детска болница во Мексико Сити, соопштуваат градските власти.

Шефот на националната агенција за цивилна заштита Луис Филипе Пуенте потврдил дека седум лица се загинати, јавува Ројтерс.

Пожарникарите и спасувачите ги пребаруваат рушевините, а градоначалникот на Мексико Сити Мигел Ангел Мансера изјавил дека мора да се направи евакуација од безбедносни причини бидејќи има многу бебиња, пренесува АФП.

Претставници наведуваат дека не се знае уште колку лица се наоѓаат под рушевините на болницата, а дека 37 лица се префрлени во болница додека останатите се здобиле воглавно со лесни повреди.

Околу 40 одсто од зградата на болницата е оштетена од експлозијата која се случила кога се запалил товарен камион утрово во текот на транспорт на гас.