Смртоносно невреме ја погоди Русија. Силно невреме го зафати Сибир, има тројца загинати и 18 повредени.  Невремето оштети стотици куќи. 

Невремето направи штети во регионот Кемерово во југозападен Сибир, јави новинската агенција „Интерфакс“ повикувајќи се на регионалната агенција за цивилна заштита. Невреме имаше и во други области на Сибир, вклучувајќи ги градот Новосибирск, Краснојарск и Иркутск. Руското Министерство за енергетика соопшти дека во еден момент повеќе од 225.000 луѓе останале без струја. На социјалните мрежи можеше да се види видео од Новокузњецк, на кое се гледа како дрво паѓа врз автомобил додека се движи. Во 2018 година во невреме во Сибир беа повредени 40 луѓе. 

#Russia. Footage of the terrible #hurricane currently devastating #Siberia. In #Novokuznetsk a tree crushed a car: two people died instantly. pic.twitter.com/K3A8jBxrL7

— Donato Yaakov Secchi (@doyaksec) November 19, 2023