Во серија бомбашки напади загинати се над  100 луѓе, во две упоришта на режимот на претседателот Башар ал – Асад.

Има и ранети, а бројот на жртвите расте.

„Исламска држава“ ја презеде одговорноста за денешните напади. Сириската опсерваторија за човекови права, со седиште во Британија, соопшти дека градот Тартус на Средоземното Море бил погоден од три експлозии. Во градот се наоѓа мал руски пооморски објект. Четири други експлозии го погодиле крајбрежниот град Јаблех. Некои од експлозиите се предизвикани од бомбаши самоубијци. Државната новинска агенција САНА пренесува дека бомбите погодиле автобуска станица во Тартус и објекти во Јаблех.

Овие градови се релативно изолирани од војните во Сирија.