Поплавите кои ја зафатија северна Кина во последните денови однесоа најмалку 62 животи, а само во Пекинг за една недела бројот на жртви се зголемил тројно.

Тајфунот Доксури, кој ослабна до невреме откако веќе ги погоди Филипините, зафати делови од Кина минатата недела, носејќи обилни дождови кои предизвикаа голема штета. Во Пекинг вакви обилни врнежи немало цели 140 години.  Бројот на загинати во Пекинг се искачи на најмалку 33, а 18 луѓе се исчезнати. 

Во провинцијата Хебеј, најмалку 15 луѓе загинаа во невремето, а во североисточна Кина, во голема провинција која произведува жито, има 14 жртви.

Врнежите го погодија североисточниот дел на Кина во близина на Русија и Северна Кореја.

Кинеските власти во петокот објавија дека при природни катастрофи во јули загинале или исчезнале повеќе од 147 луѓе. Овие жртви не се предизвикани само од тајфунот Доксури.