Муслиманка која мирно искажала протест против претседателскиот кандидат на САД, Доналд Трамп,  беше исфрлена од неговиот собир.

Жената на неговиот митинг отишла со маица со натпис „Салам, доаѓам во мир“, и жолта ѕвезда на која пишувало „муслиман“.

Веднаш штом станала за време на говорот на политичарот, присутните почнале да го довикуваат Трамп и со прст да покажуваат во муслиманката Роуз Хамид и Марти Розенблат, маж кој го следел нејзиниот пример.

Веднаш потоа обезбедувањето ја исфрлило од собирот, а за тоа време Роуз тврди дека неколкумина викале „Таа носи бомба”.

„Меѓу нас постои неверојатна омраза, но тоа е нивна омраза, а не наша“, рекол Трамп.

Инаку, ова следува откако републиканскиот кандидат предложи да им се забрани влез во САД на сите муслимани, поради како што вели, опасноста од тероризам.