Јувал Рафаел  која го преживеа нападот на палестинската терористичка група Хамас на 7 октомври во 2023 година, сега ќе настапи за Израел на Евровизија. 

Израелската пејачка Рафаел е годинашната победничка на музичкото натпреварување „HaKokhav HaBa“ (во превод: „Следната музичка ѕвезда“) и со тоа стана претставничка на Израел на 69. издание на Евровизија. Оваа 24-годишна пејачка ја почна својата професионална кариера минатата година.

„Не можам да објаснам колку сум возбудена и спремна! Ви благодарам за честа и довербата да ја претставувам мојата држава на големата евровизиска сцена во Швајцарија“, изјави младата пејачка по победата, а пренесе официјалната веб-страница на Евровизија.

Учеството на Израел лани на Изборот за песна на Евровизија предизвика контроверзии поради конфликтот во Газа, што доведе до протести во Малме, Шведска. И покрај бројните критики, израелската пејачка Еден Голан успеа да го освои 5. место. Хамас на 7 октомври во 2023 година убија над 1.000 цивили и земаа заложници. Тие го нападнаа Израел со  барање за формирање на независна држава Палестина со главен град Ерусалим и ослободување на палестинските затвореници од израелските затвори. 

фото Инстаграм