Мало девојче со гума- еднорог било однесено од морските струи, по што, како што јавуваат грчките медиуми, е спасено од локален ферибот.

Инцидентот се случил вчера во морското подрачје крај градот Антирио во Коринтскиот Залив.

Девојчето помеѓу 4 и 5 години, наводно, избегало од „вниманието на родителите“ и било однесено од брегот со силните струи .

Кога родителите сфатиле дека нивната мала ќеркичка не се гледа во морето, ги известиле пристанишните власти , кои го алармирале капетанот на локалниот траект „Саламиномахос“.

Капетанот на траектот на линијата Рио-Антирио го нашол детето среде морето и полека се приближувал со траектот.

На видеото се гледа како членовите на екипажот го спасуваат девојчето , кое било во својата гума.

Девојчето, кое за време на целиот овој случај реагира смирено, на родителите им било предадено неповредено.

Погледнете го видеото како го спасуваат девојчето.