Во рускиот град Томск во саботата 6-годишно девојче паднало од третиот кат на станбена зграда, но поради снегот на тревникот преживеало и не се здобило со потешки повреди.

Несреќата ја снимиле надзорните камери од зградата во близина и видеото станало вирално на социјалните мрежи, затоа што на никого не му се верувало дека девојчето станало и заминало. 

Сепак, девојчето, чиј идентитет не е објавен бидејќи е малолетно, ја минало ноќта на прегледи во болница. Подоцна е објавено дека нема скршеници, но дека се забележани полесен потрес на мозок и полесни телесни повреди.

Според наводите на болницата, девојчето ја минало ноќта на интензивна нега, а следниот ден е префрлено на редовно одделение.

На снимката се гледа како девојчето паѓа од својот балкон и силно удира со снегот.

Лежело некое време на тоа место, по што станало, ја прескокнало малата ограда и истрчало кон својата зграда.