Луѓето на Хаваите, кои се соочуваат со ерупцијата на вулканот Килауеа, предупредени се за нова опасност. 

Локалната цивилна служба ги предупреди возачите, сопствениците на чамци и другите жители дека лавата помина преку дел од автопатот на Големиот Остров, но и на опасноста од испарувањето на сулфур диоксид. 

Лавата веќе стигна до океанот, каде што може во контакт со водата да создаде отровни гасови. 

Вулканот Килауеа на Хаваите од 11 мај е повторно активен.

Килауеа е еден од најактивните вулкани на светот. Ерупцијата од 1924 година уби едно лице, а вулканот 17 дена исфрлаше камења, пепел и прашина.

Тој има постојани ерупции од 1983 година и е еден од петте вулкани на хавајскиот Голем Остров.