Курдски демонстранти недозволено влегоа во зградата на Европскиот парламент во Брисел, го зазедоа лобито на третиот кат и не е јасно како успеале да го заобиколат обезбедувањето. Неколку стотици Курди побараа поголема поддршка од меѓународната заедница, особено од Европската унија, во борбата против џихадистичката Исламска држава, која зазема нивни територии во Ирак. Неколкумина европарламентарци се сретнаа со демонстрантите, а по нешто повеќе од еден час тие мирно ја напуштија зградата на Европскиот парламент. Во последните неколку дена курдски протести се организираа во Лондон, Рим, а демонстрантите се обидоа да влезат и во холандскиот парламент, но ги спречи обезбедувањето. http://www.youtube.com/watch?v=efJFToRg8qQ#t=11