(ВИДЕО) КРВОПРОЛЕВАЊЕ ВО ВЕНЕЦУЕЛА: 10 мртви во улично насилство, Мадуро прогласува победа, САД се заканува со санкции
Претседателот на Венецуела Николас Мадуро денес прогласи победа на изборите за Уставното собрание.
„Имаме Уставно собрание-рекол Мадуро обраќајки им се на стотината следбеници во Каракас, откако изборната комисија соопштила дека излезеноста на граѓаните е 41,5 проценти“, пренесе АФП.
„Тоа е најголемата победа, која револуцијата ја оствари во својата 18-годишна историја“, рекол Мадуро.
Американските власти цврсто ги осудија изборите за членовите на Уставното собрание во Венецуела и најавија „брзи и одлучни мерки“ против владата на социјалистичкиот претседател.
„САД ги осудуваат тие избори кои го загрозуваат правото на народот на самоопределување“, наведува американското Министерство за надворешни работи и додава дека САД ќе преземат „брзи и одлучни мерки“ против Венецуела.
САД претходно се заканија со санкции.
Повеќе од осум милиони избирачи, или 41,53 отсто, гласаа во неделата за членовите на Уставното собрание на Венецуела каде е забележано насилство во кое загинаа десет лица.Опозицијата која ги оспори изборите, смета дека Мадуро со планот да го измени Усатвот планира и да го заобиколи избраниот парламент каде опозицијата има мнозинство, како и да ги избегне претседателските избори во крајот на 2018 година.
Слично
Поврзани вести
