Во нападот кој се случил во центарот на Лондон една жена (60) е убиена, а пет лица се повредени, јавува британската ТВ мрежа БиБиСи. Нападот со нож се случил доцна синоќа, околу 22.30 по локално време, кога маж одеднаш почнал да ги напаѓа со нож оние кои му се појавеле пред очи на сред улица. За нападот е осомничен деветнаесетгодишно момче кое е уапсено на Расел сквер каде се случил нападот. Итната помош на лице место утврдила смрт на 60-годшината жена. [embed width="700" height="450" ]https://twitter.com/r0eland/status/761007349431726080?ref_src=twsrc%5Etfw[/embed] Повредени се уште две жени и тројца мажи, но не е познато во каква состојба се. Уапсениот осомничен во моментов е во притвор во болница. „Првите показатели укажуваат дека менталното здравје бил значаен фактор во овој случај и дека тоа е еден правец на истарагата“, рекол шефот на противтерористичката служба во лондонската полиција Марк Роули. [embed width="700" height="450" ]https://twitter.com/DailyMirror/status/761037463653539843?ref_src=twsrc%5Etfw[/embed] Тој додал дека во овој момент би требало да се земе предвид и други можно мотиви, така што се испитуваат и евентуални врски со тероризмот. Полицијата на напаѓачот му влегла во трага брзо, и го уапсила, а според првите и неофицијални информации се работи за психијатарски болен човек кој е совладан со електрошокови. [embed width="700" height="450" ]https://youtu.be/LwTCxDvItSQ[/embed] Нападот се случил во делот на Лондон каде има бројни хотели а таму се наоѓа и Британскиот музеј.