Неколку илјади христијани се собраа во едно село на југот од Египет за да погребаат 7 од луѓето кои беа убиени во напад. 

Но, погребот брзо се претвори во протест. 

„Со крв во душата ќе те браниме, крсту. Или ќе се одмаздиме или ќе умреме како и тие“ - порачаа христијаните носејќи дрвен крст. 

Во нападот 29 беа убиени, а 24 луѓе беа ранети. 

Тие се убиени во автобус додека патувале кон еден манастир. 

Египетската државна телевизија објави дека војската врши напади на камповите каде се обучуваат џихадисти. 

Станува збор за кампови во Либија каде се претпоставува дека се обучувале исламистите кои ги убија Коптите. 

Одговорност за нападот презеде „Исламска држава“.