Кина е при крај со изградба на дваесетина градби на вештачките острови во Јужнокинеското море, кои ќе бидат наменети за ракети. 

Не се знае како на овој факт ќе реагира САД, затоа што тие сакаат стабилни односи со Кина. 

Кина тврди дека има право на Јужнокинеското море преку кое се одвива третина од светскиот поморски сообраќај. 

Брунеи, Малезија, Филипини, Тајван и Виетнам исто така имаат свои права. 

Администарцијата на претседателот на САД, Доналд Трамп градењето на островите го нарече илегално.

За Американците, овој потег на Кина е воено заострување. 

Американскиот државен секретар, Рекс Тилерсон смета дека треба да и се оневозможи на Кина да гради на островите. 

Тој потоа го омекна речникот, а Трамп рече дека ќе ја почитува долгогодишната политика на „една Кина“. 

Се смета дека Кина на островите ќе смести ракети земја - воздух.