Северна Кореја ги отвори вратите за руските туристи така што издаде лиценца на агенција од Москва, при што на туристите им се ветува комплетен впечаток, и уживање кое е посигурно од вечерно шетање во Лондон. 

NKOREAN.RU има тури за поединци, но и групи до 10 лица за да го покаже животот во најзатворената земја на светот. 

Туристите ќе бидат „проверени“, а ќе имаат и водич кој ќе ги упати како треба да се однесуваат во оваа земја. 

Турнеја од 15 дена чини 1.997  долари и вклучува посета на фарма, фабрика, будистички храм, шетање во планина и дегустирање на националната кујна. 

Има дури и посета на фестивал на пиво и опуштање на плажа. 

Не се знае колку ова ќе биде интересно за Русите кои патуваат во Европа, Турција и Тајланд.