Температурите во Јакутск, најстудениот град во светот, деновиве се спуштија до минус 50 степени.

Во леденото сибирско место, јануари е најстудениот месец и, иако локалното население е навикнато на екстремен студ, тие преземаат дополнителни чекори за да се загреат.

- Не можеш да победиш, или се адаптираш и се облекуваш соодветно или ќе настрадаш - рекла локална жена која имала два шалови и неколку ракавици, капи и качулки.

Облекувањето во слоеви е клучно, велат жителите на Јакутск.

- Мора да се облекувате топло, слоевито, како зелка - рече една жена која продава замрзната риба на локалниот пазар.

Кога е многу студено, на некои им замрзнуваат и трепките.

Зимите во Јакутск, дом на повеќе од 330.000 луѓе, може да бидат екстремно студени дури и за руски услови.

Градот се наоѓа во Сибир, во област богата со дијаманти, злато, ураниум и други ресурси. Просечната годишна температура во Јакутск е минус 8 степени, а и покрај се, летата може да бидат исклучително топли со просечна температура од 24 степени. Тоа е единственото место во светот со таква температурна разлика помеѓу годишните времиња.

Животот во Јакутск

Неверојатно е колку луѓето можат да се навикнат на било што, дури и на екстремни временски услови.

Иако некој би помислил дека жителите на Јакутск би биле мрачни, ситуацијата е сосема поинаква. Како и во другите населени места, и овде сè е нормално - има патишта, пазари, јавен превоз, хотели, кафулиња и ресторани - едноставно е неверојатно студено.

По ледениот ден, многу луѓе сакаат да се загреваат во барови и ноќни клубови.

Најчесто се облекуваат слоевито, но понекогаш ни облеката не им помага. Затоа е најдобро да останете во затворени простории каде што е топло и безбедно.

Кога е минус 30 степени, сепак е топло за мештаните.

Поголемиот дел од луѓето што живеат тука се потомци на турски номади, па затоа се прилично навикнати на студени услови.

Локалните жители одат до замрзнатата река ако им треба вода со сечење на коцки мраз. Овде никому навистина не му треба замрзнувач, па вообичаено е да се види овошје или месо во прозорците на куќите и становите.

Повеќето предмети што се оставени на отворено повеќе од 10 минути ќе бидат замрзнати.

И зовриената вода што се фрла во воздух нема да падне на земја во течна состојба. Речиси веднаш се претвора во ледени кристали и исчезнува.

Ледените пространства не ги спречуваат мештаните да организираат маратони.

- Некои луѓе сакаат да трчаат по планина, а јас сакам да трчам на екстремно ниски температури. За нас мештаните минус 50 е нормална работа. Можеби фактот што сме родени овде ни дава имунитет - изјави Алексеј Пестрјаков за Russia Beyond.

Сепак, признава и дека понекогаш му здосадува студот.

- Еднаш цел месец беше -60 степени, а не беше пријатно - рече тој.

Секако, леденото време носи и многу предизвици.

Луѓето можат да ги остават очите непокриени, но носот, трепките и очните капаци исто така може да замрзнат. Ракавиците се од суштинско значење и ако се отстранат дури 5 минути, може да дојде до силен смрзнат. Металните површини не смеат да се допираат бидејќи кожата ќе се залепи на неа. Многу е важно очилата да немаат метални рамки бидејќи би можело да биде многу тешко да се вадат од главата.

Иако автомобилите се неопходни за движење низ градот, тие тешко се одржуваат на ниски температури. Затоа мештаните ги чуваат своите автомобили во загреани гаражи или ги оставаат да работат преку ноќ. Поединци ги оставаат на улица во текот на зимата, а потоа ги возат само во лето кога моторот конечно ќе може да запали.

Цевките кои пренесуваат вода и природен гас се изградени над земја бидејќи е речиси невозможно да се пробие замрзнатото тло.

Видеото можете да го погледнете тука.