Низ социјалните мрежи се рашири видео од чеченскиот лидер Рамзан Кадиров како прави склекови за време на гостувањето во емисија на руската телевизија.

Видеото го објави американската новинарка Џулија Дејвис, која ги следи руските медиуми во екот на инвазијата на Украина.

„Во меѓувреме во Русија, Рамзан Кадиров реши да ги импресионира сите обидувајќи се да направи склекови“, напиша Дејвис во описот на видеото.

35 Kadyrov's "push-ups". pic.twitter.com/dcqKtCsY5q

— Anton Gerashchenko (@Gerashchenko_en) December 29, 2022

Во телевизиското студио беше и придружбата на чеченскиот лидер, која со аплауз ги поздрави неговите склекови.

Кадиров е силен поддржувач на руската инвазија на Украина, а на почетокот на октомври најави дека во војна ќе испрати тројца негови малолетни синови.

Украинската служба за безбедност во средината на ноември распиша потерница по Кадиров, а информациите за тоа беа споделени на веб-страницата на украинското Министерство за внатрешни работи.