Израелските одбранбени сили ја започнаа втората фаза од операцијата „Заштитен раб“ во Појасот Газа, која вклучува и копнена офанзива на палестинските територии. Само во копнените напади досега загинале најмалку 23 Палестинци. Израелската војска објави и видео од влезот на израелските трупи во Газа. http://www.youtube.com/watch?v=Q1WMyHtA0XY Израелските војници трагаат по влезовите на тунелите кои активистите на Хамас ги користат за влез на израелска територија и изведување на терористички операции. Засега цел се четири вакви тунели и 21 локација каде се поставени фрлачи на ракети. Но, израелската војска се соочува и со критики заради многубројните цивилни жртви, меѓу кои има и деца.