Неверојатна приказна доаѓа од Италија, поточно од околината на Порто Чезарео во округот Лече.

Неименуван 57-годишен маж го фрлил ѓубрето, а заедно со него и кутија со богатство во вредност од 120.000 евра – по грешка.

Мажот со години собирал пари и купувал златни прачки. Стигнал до 20-те прачки што ги чувал во метална кутија. Необјаснива грешка довела до тоа богатството да заврши во контејнер, а човекот открил дури еден ден подоцна.

Кога сфатил што направил, побрзал кон местото каде што го оставил ѓубрето, но контејнерот бил празен. Сфаќајќи ја сериозноста на ситуацијата, отишол во полиција и го пријавил „проблемот“, пренесува „Фан пејџ“.

По првичните проверки, карабинерите ги прегледале снимките од надзорните камери. На тој начин била потврдена приказната за 57-годишниот маж. Истовремено, била откриена и маршрутата на камионот што собирал ѓубрето и го транспортирал до локалната депонија.

Полицајците и работниците на депонијата го пребарале делот со „најновите“ вреќи полни со ѓубре и, и покрај непријатностите од задачата, ја пронашле кутијата со златни прачки. Со помош на вработените во депонијата, започнала детална повеќечасовна потрага меѓу илјадници вреќи за ѓубре. Работниците ја опишале задачата како „исклучително сложена“.

Златните прачки му биле вратени на сопственикот.

Фото: Wikimedia Commons

An Italian man accidentally threw away a box containing gold bars worth around €120,000

A 57-year-old man had to turn to the police for help.

Officers checked surveillance cameras, traced the landfill where the garbage truck was headed — and recovered the lost treasure. pic.twitter.com/u3yGO0ZTqJ

— NEXTA (@nexta_tv) February 13, 2026