Џихадиската група „Исламска држава“ (ИД) шири видео снимка, на кој се заканува дека ќе изврши напади во Русија многу наскоро, пренесоа агенциите, повикувајќи се на американскиот центар за следење на исламистите на интернет сајтот (SITE).

„Наскоро, многу наскоро, крв ќе се лее како океан“, се заканува „Исламска држава“ на руски јазик.

Џихадиската група неколку пати повикуваше за напади врз Русија и САД како одмазда за воздушните удари против неа во Сирија и Ирак.

Западните разузнавачки служби се сомневаат дека „Исламска држава“ ја поставила бомбата во рускиот патнички авион кој се урна на 31 октомври на Синајскиот полуостров во Египет. Во несреќата загинаа сите 224 лица во авионот.