Остатоци од соборен дрон предизвикаа експлозија во трговски центар во Русија.

„Експлозијата во трговскиот центар во рускиот град Владикавказ, во која најмалку едно лице загина е предизвикана од остатоци од украински беспилотно летало што го собориле руските сили за воздушна одбрана“, изјави гувернерот на Северна Осетија, Сергеј Мењаило. .

Тој наведе дека руските системи за противвоздушна одбрана го собориле ова беспилотно летало околу 8:30 часот по локално време, а руското Министерство за одбрана објави дека уништиле 119 украински беспилотни летала во последните 24 часа, пренесува Ројтерс.

Руски Интерфакс претходно објави дека најмалку едно лице загинало, а седум се повредени во експлозија на гас во трговскиот центар.

Околу 800 квадратни метри малопродажен простор гореше,  вклучувајќи го и покривот на зградата. Украина редовно врши напади со дронови на руска територија. 

Русија се закани дека Украина ќе плати за нападите на цивилни цели. 

Russia: Shopping mall blew up in Vladikavkaz. Gas leak suspected. pic.twitter.com/UZ5xHep6kE

— Igor Sushko (@igorsushko) December 25, 2024