Храбриот Протео, германскиот овчар кој беше дел од мексиканскиот спасувачки тим во Турција, загина спасувајќи човечки животи. За неговата смрт ја објави државниот секретар за одбрана на Мексико.

„Ти благодариме Протео за херојската работа, ја исполнивте кучешката мисија на мексиканската армија“, се вели во твитот на државниот секретар за одбрана на Мексико.

Протео, беше едно од десетте кучиња испратени од земјата во Турција за да помогне во напорите за пребарување и спасување на жртвите од земјотресот.

Пред да го загуби неговиот живот, Протео спасил двајца луѓе, а во потрагата по уште, за време на работата меѓу урнатините, купишта бетонски остатоци паднале врз него.

After the earthquakes in Kahramanmaras, the epicenter of the earthquake, the dog named Proteo, who worked with the team that Mexico sent to Turkey, was left under the rubble of the building that collapsed on him while he was searching pic.twitter.com/nNGibMRXgX

— Tansu YEĞEN (@TansuYegen) February 13, 2023

Неговиот дресер Виледа објави:

„Твојата храборст немаше граници. За жал, нема да се вратиш со мене. Ќе се видиме повторно еден ден“.

Мексиканскиот спасувачки тим се враќа со останатите храбри четириножни херои: Тардио, Киара, Теологија, Тимба, Барато, Територио, Баланцео, Бурета и Биосфера.