Руската ракета од типот Протон-М, која го носела мексичкиот комуникационен систем, најверојатно исчезнала неколку минути по лансирањето.

Процесот на лансирање не е изведен според планот бидејќи телеметрискиот систем за  водство престанал да функционира, наведуваат руските медиуми додавајќи дека телеметријата откажала само минута пред да сателитот MeksSat-1 требало да биде поставен во орбитата, а претставници на агенцијата Роскосмос се обидуваат да востановат што навистина се случило.

-Не знаеме за што се работи, но веројатно отпаѓањето на третиот дел од ракетата не протекло по планот - навел неименува извор од руската вселенска агенција.

Според друг извор контролата над летот на ракетата е изгубена 498 секунди по лансирањето.

-Според првите информации, третиот дел од ракетата и мексичкиот сателит веројатно паднале во рускиот регион Чита. Министерството за вонредни состојби е предупредено - наведува извор од агенцијата Интерфакс.

MeksSat-1, сателит тежок 5,4 тона, го произвел Боинг сетлајт систем, по налог на мексичката влада.

Инаку, сателитот требало да биде пратен во орбитата на 29 април, но тоа е одложено на барање на компанијата Боинг сетлајт систем.