Големи пожари има во близина на градот Ерусалим. Израелските пожарникари трет ден ги гаснат пожарите што ги зафатиле шумите западно од Ерусалим. Жителите на неколку блиски населби ги напуштија своите домови.

Министерот за одбрана на Израел, Бени Ганц вчера изрази благодарност до палестинската власт, која што испратила неколку противпожарни возила во Израел за да помогнат во гаснењето на големите шумски пожари. 

„Би сакал да му се заблагодарам на претседателот на Палестинската власт Махмуд Абас за неговата иницијатива. Солидарноста и спасувањето човечки животи се од интерес на сите нас", објави Ганц на Твитер.

Палестинската управа испратила четири противпожарни возила и 20 пожарникари да му помогнат на Израел.