Американски специјалци извршија поморска забрана врз танкер со сурова нафта во Индискиот Океан. Бродот бил поврзан со испорака од Венецуела кон Кина. Американците го следеле неколку дена од Карибите.

Информацијата ја соопшти американскиот министер за одбрана Пит Хегсет. Тој изјави дека танкерот ја прекршил американската блокада за пловила под санкции што одат кон или од Венецуела.

Танкерот „Аквила II“ бил запрен во текот на ноќта. Американските сили се качиле без инциденти. Според Хегсет, екипажот се обидел да избега. Следело гонење.

„Во текот на ноќта спроведовме поморска забрана и се качивме на бродот „Аквила II“ без инциденти. Тие се обидоа да избегаат, а ние ги гоневме“,  објави Хегсет на платформата Икс.

Минатиот месец американските сили го заробија венецуелскиот претседател Николас Мадуро во воена акција во венецуелскиот главен град Каракас. 

Венецуела е членка на Организација на земји извознички на нафта. Вашингтон тврди дека санкционираните испораки ја поткопуваат мерката за притисок.

„Аквила II“ испловил од Венецуела на почетокот на јануари како дел од поголема флота. Транспортирал околу 111.300 кубни метри тешка венецуелска сурова нафта наменета за Кина. Дел од придружните танкери се вратиле, а некои американските сили ги заплениле. 

фото принтскрин

When the @DeptofWar says quarantine, we mean it. Nothing will stop DoW from defending our Homeland — even in oceans halfway around the world.

Overnight, U.S. military forces conducted a right-of-visit, maritime interdiction and boarding on the Aquila II without incident in the… pic.twitter.com/kYVAQC5io9

— Department of War (@DeptofWar) February 9, 2026