Унгарската полиција го застана првиот воз, кој тргна за градот Шопрон крај границата со Австрија, и им нареди на мигрантите да слезат во градот Бичке каде има центар за прифаќање на мигранти, пренесоа агенциите.

Сите други патници се симнале и се качиле на резервниот воз.

Мигрантите удирајќи однадвор по прозорците на возот и извикуваа „Никаков камп, никој камп“. Околу 50 полицајци од силите за борба против немири се распоредени блиску до возот.

Полицијата испразнила еден од вагоните. Уште пет вагони со мигранти сеуште стојат на станицата. Некои од имигрантите лежеле по шините и одбивале да продолжат кон кампот.

Возот со над 200 мигранти тргна денес од централната станица во Будимпешта кон границата со Австрија, пренесоа светските агенции. Меѓународните возови во Унгарија се запрени.

Според информациите на станицата возот се насочува кон граничните градови Сомбатхеи и Шопрон. Тој тргнал од железничката станица „келеш“ во Будимпешта денеска наутро. Возот бил запрен на железничката станица во Будимпешта во текот на два дена, објавија германските медиуми.

Станицата продолжи со работа утрово, откако беше затворена во период од два дена од унгарските власти.

Јанош Лазар, началник на кабинетот на премиерот на Унгарија, Виктор Орбан, изјавил на прес-конференција дека унгарската полиција ќе се придржува кон сите правила на Шенген и ќе ги изврши потребните проверки на мигрантите кои патуваат кон западните граници на земјата, пренесоа агенциите.

Лазар додал дека хаосот на источната станица во Будимпешта се должи на контроверзната порака на Германија кон сириските мигранти.

„Тоа е затоа што Германија им кажа на Сиријците пред повеќе од една недела, ги очекува во нивната земја“, изјавил Лазар. Тој додал дека следниот ден Германија се обидела да наметне контрола над мигрантите.