Земјотрес со јачина од 7,5 степени според рихтеровата скала го потресе северниот дел од Пакистан, Индија и Авганистан, а најмалку 12 луѓе загинале додека преку 50 се потешко повредени. На социјалната мрежа Твитер се јавиле и жителите на Индија, кои велат дека и кај нив земјотресот се почуствувал силно. Земјотресот е регистриран на длабочина од 196 километри, со епицентар на 82 километри југоисточно од Фејзабад во одалечената облас во Авганистан во планинскиот регион Хиндукш. Потресот исто така се осетил и во индиската облас Кашмир, во пакистанскиот град Исламабад и во авганистанската престолнина Кабул, но не и во Непал, каде во април имаше многу јак земјотрес.