Сергеј Александрович Румјанчев од Челјабинск е еден од пилотите кој е убиен по падот на рускиот авион, а кој го урна турската авијација.

Тој заедно со својот колега се катапултирале од СУ-24, кој е погоден од ракаета во ваздушниот простор помеѓу Турција и Сирија.

Румјанчев е мајор во руското воздухоплоство, чија основна база била Шагол во Челјабинск, пред поаѓањето во Сирија.

На интернет се појавија непотврдени видео записи и фотографии на кои, наводно, се прикажува телото на мртвиот пилот од рускиот авион, опкружен од сириски бунтовници, додека на друго видео се гледа, наводно, другиот пилот кој го заробиле наоружани луѓе.

Потсетуваме, дека два турски ловци Ф-16 изутринава околу 10 часот соборија руски борбен авион СУ-24 кој според тврдењата на турските власти го нарушил нивниот воздушен простор.