Три бомби кои биле поставени во абтомобили експлодирале во сирискиот град Тел Тамер каде што живеат голем број сириски христијани. Во овој терористички напад настрадале 60 луѓе, а се повредени 80.

Овој град се наоѓа во североисточната провинција Ал Хаска, во близина на болница на курдиските полицајци и пазар. Настраданите воглавно се цивили, а помеѓу жртвите се и курдиски и сириски борци, како што пренесуваат светските агенции.

Автомобилите биле полни со голема количина на експлозив, а детонациите биле толку силни што огромни штети претрпеле и околните згради и објекти. Засега ни една терористичка група не ја презема одговорноста за нападот.

Инаку, во Тел Тамер се наоѓа седиштето на Асирската христијанска заедница, а во него живеат Курди и Арапи. Поради тоа, често се наоѓаат како мета на напади од „Исламска држава“.