Шокантно видео на кое се гледа како израелските војници ги потикнуваат кучињата на децата беше објавено на Јутјуб. Овој инцидент предизвика доста непријатности во израелската, но и во светската јавност.

На почетокот на видеото се гледа како припадниците на израелската војска малтретираат дете палестинче поттикнувајки ги бесните кучиња на него. Оваа видео станува вирусно по што ултрадесничарскиот актвист Мухаел Бен-Ари го поставил на Фејсбук со коментар: „Војниците го опаметија младиот терорист“.

По осудите на социјалните мрежи, видеото е тргнато, но некој предходно успеал да направи копија и го постави на Јутјуб.

Израелската војска го држела 16 годишниот Палестинец Хамзеш Јашем, и пуштале агресивни кучиња на него, дедека детето молело и плачело.

На видеото јасно се слуша командата на војникот, кој му наредува на кучето да го загризе детето. По што му викал на малиот палестинец, прашувајќи го: „Кој е сега кукавица, јас или ти“?

Медиумите наведуваат дека овој ициндент се случил на 23 декември 2014 година во таканаречената „тампон зона“ во Вест Банка помеѓу градовите Беит Умира и Кармеј Цура.

Израелскиот обвинител отворил истрага против војникот од видеото, додека Палестина жестоко го осудила малтретирањето и највила дека ќе се обрати до меѓународните судски институции.