Две лица се повредени, а една личност која била во критична состојба починала кога дошло до пукање на Универзитетот Тенеси во Нешвил.

Агенцијата АП известува дека влезот на универзитетот е блокиран и дека нема назнаки дека напаѓачот и понатаму е активен во пукањето, кое почнало синоќа.

Тој инцидент се случил само недела дена, откако тројца лица се повредени на забава, во голем двор, во близина на колеџот, пренесе Ројтерс.

Телевизијата WZTV известува дека е можно во пукањето биле вклучени самите студенти.

Универзитетската полиција не можела да потврди дека пукањето се одиграло во кампусот. Одделението Метрополитен од нешвилската полиција уште не одговорило на поставеното прашање.

Сепак, тие на Твитер напишале дека едно лице е убиено и дека две лица се хоспитализирани.

До пукањето дошло, како што се наведува, после караница меѓу играчите на една социјална игра со коцки во дворот, пренесе Ројтерс.