Траект со 189 патници и членови на екипажот се преврте крај Филипините поради бурното море, и во инцидентот загинале најмалку 36 лица, а најмалку 118 се преживеани, соопштува „Ројтерс“, повикувајќи се на крајбрежната стража и полицијата.

Не е познато дали преживеаните биле спасени или успеале да испливаат до брегот, наведува агенцијата. Според податоци на полицијата во траектот имало 173 патници и 16 членови на екипажот.

Високите бранови го превртеле „MBCA Kim-Nirvana“ на пат кон островот Камотес во централната провинција Кебу од пристаништето Ормок, соопштила крајбрежната стража.

Понекогаш стотици луѓе умираат секоја година во инцидентите со ферибодите околу Филипините - составени од 7100 острови, каде што не се почитуваат речиси никакви стандарди за безбедност на бродовите. Често тие се преоптоварени, а многу од бродовите се во лоша состојба.