Авион Ербас A 320 на германската компанија „Џерман вингс“ се урна денеска на југот од Франција во регионот на Барселонет, соопшти генералната дирекција за цивилен сообраќај на Франција и жандармеријата.

Ербасот летал од Дизелдорф за Барселона, јавуваат француските медиуми. Еве каде паднал:

Во авионот имало 148 патници, воглавно државјани на Германија и членови на екипажот. Прецизно 142 патници, 2 пилоти и 4 члена на екипажот.

Авионот во последната фаза на летот нагло почнал да ја губи висината, прнесува Раша тудеј. Со речиси 40 000 метри висина паднал на 25 000, а потоа престанале да стигаат податоци од авионот.

Хеликоптерите на француската полиција  забележале остатоци од авионот.

Министерот за внатрешни работи, Бернар Kazanev отпатувал до местото на несреќата во француските Алпи.

Германските медиуми велат дека авионот бил во употреба од 24 години.