Центарот на Ливерпул денеска е евакуиран поради сомневање дека има подметнато бомба, јавуваат британските медиуми.

Полицијата моментално преговара со мажот кој се затворил во една зграда и тврди дека во себе има „сомнителен пакет“.

Блокирани се неколку улици во строгиот центар на Ливерпул, а повеќе згради се евакуирани.

Вработените во 14-катната зграда го активирале пожарниот аларм веднаш од кога забележале дека се однесува сомнително мажот кој тврдел дека во себе има „сомнителен пакет“, и веднаш целата зграда е евакуирана.

Полициски преговарачи моментално преговараат со мажот, кој одбиба да ја напушти зградата.

На лице место освен полицијата се наоѓаат и противпожарни возила, а недлетува и полициски хеликоптер.