Изрешетени ѕидови, крвави дамки на подот и хаос во собите, во ваква состојба беше пронајдено засолништето на нарко-босот Хоакин познат како „Ел Чапо”, кој пред три дена беше уапсен во полициска ација.

По шестмесечното трагање, Ел Чапо повторно падна во рацете на полицијата, а во акцијата беа застрелани пет лица.

 Ел Чапо се обидел да избега во градската канализациска мрежа пред да биде фатен.

Ројтерс објави и фотографии од засолништето, во кое беше фатен нарко-босот.

Претходно, странските медиуми објавија снимка на која се гледа како безбедносните сили го приведуваат Хоакин Гузман. На снимката се гледа нарко-босот, познат уште како „Ел Чапо”, како го пренесуваат до полицискиот хеликоптер, а тој со бела крпа си го крие лицето.