Додека во САД се бележат рекордно ниско температури, кои одат и до -40 степени Целзиусови, Австралија ја погодија шумски пожари кои уништиле згради и го загрозиле тамошното население.

Во предградието на Мелбурн избил голем пожар, кој проголтал неколку згради.

Комесарот за итни служби на Австалија, Крег Лепсил рекол дека пожарите се предизвикани од високи температури и суво време, проследено со силни ветрови.

#BREAKING: Here is a video of the #SherwoodFire in South Australia. (Video: @robynverrall) pic.twitter.com/C5n6WdUFqk

— BreakingNNow (@BreakingNNow) January 6, 2018

„Тоа е точно тоа што прогнозата го предвидела“, рекол комесарот.

На граѓаните им е порачано да побараат засолниште а експертите сметаат дека тоа е побезбедно отколку жителите да се обидуваат да избегаат и ризикуваат пожарот да ги зароби.

Околу 400 куќи останале без струја, а ширум сојузната држава Викторија денес се пријавени повеќе од 50 пожари, од кои повеќето биле мали.

Fire crews doing all they can to contain the fire down here at Carrum Downs @abcmelbourne pic.twitter.com/2BNhI5YiJp

— Bridget Judd (@BridgetJuneJudd) January 6, 2018