Терористичката организација ИСИС веќе долго време сее страв во светот со својата бруталност и немилосрдност. Но, сте се запрашале ли некогаш што прават џихадистите во слободно време?

Томас Хегхамер, експерт за насилен исламизам во Норвешкиот институт за одбранбено истражување, во април одржа предавање на Универзитетот Сент Ендрјус за тоа што прават џихадистите во слободното време.

„Воениот живот не се состои само од борбите, туку има многу повеќе.Погледнете внатре во џихадистичките групи и ќе видите забрадени мажи со калашникови како рецитираат поезија, разговараат за сонови и редовно плачат.“ – вели Хегхамер.

Тој вели дека членовите на ИСИС, активно учествуваат на социјалните мрежи и дискутираат за религиозни практики и често го споменуваат Алах.

Жените пак, разговараат за своите миленици, за шопинг, готвење, возење и за вршење домаќински задачи како перењето.

Но сепак, Хегхамер вели дека овие фотографии треба да се земат со голема доза резерва, со оглед на силната пропаганда што ИСИС ја води преку интернетот.

Исламската држава објавува видео снимки и фотографии на кои ги мами луѓето во калифатот, прикажувајќи им розов свет.

На ова пропагандно видео намерно е прикажано како џихадистите слободно живеат и се движат во нивните територии, а децата со насмевка на лицето убедуваат дека се среќни.

ИСИС на овој начин сака да прикаже утопија и совршенство, ветувајќи им среќа и стабилност на нивните приврзаници.