Сите десет луѓе, вклучувајки ги и двата пилота, од малиот авион кој денеска се урна во стамбена зграда во месноста Акрон во Охајо починале, соопштија локалните службеници.

Малиот авион „хокер“ кој летал накај аеродромот Фултон во Акрон, се урнал во една стамбена зграда која се запалила, по што локалните жители останале без струја.

На местото на несреќата пристигнале брза помош и пожарникарна служба, кои и понатаму се обидуваат да го изгаснат пожарот, пренесува „Русија денес“.

Во меѓувреме пожарот зафатил уште една станбена зграда, но брзо е ставен под контрола. Помеѓу жителите во зградите нема жртви ни повредени.

Малиот авион, познат како „хокер 800“ има двочлен екипаж и може да пренесува 13 патника.