Вулканот Килауеа на Хаваи, почна да еруптира по тримесечна пауза. Тој се смета за еден од најактивните вулкани во светот. 

Ерупцијата е во затворена област на националниот парк на Хаваи и нема закана за жителите.

„Целата лава утрово е содржана во калдерата на врвот. Така, има многу простор за лавата да тече без да ги загрозува домовите или инфраструктурата“, рече портпаролката на паркот Џесика Феракане. 

Таа додаде дека службениците на паркот се подготвуваат за гужви додека посетителите доаѓаат да ја видат ерупцијата од многу набљудувачки точки.

Се верува дека врвот Килауеа е свет и дом на Пеле, божеството на хавајските вулкани.

Килауеа последен пат избувна во јануари и покажа знаци на „зголемен немир“ во мај. Вулканот престана да еруптира во декември, за прв пат од септември 2021 година. Лавата од ерупцијата во 2021 година беше содржана во кратерот на врвот Килауеа, но претходната ерупција во 2018 година беше една од најразорните во поновата историја на Хаваи. Таа уништи стотици домови и натера многу луѓе да се евакуираат.

Инаку, на Филипините се евакуирани 13.000 луѓе од ерупциите на вулканот Мајон.

фото принтскрин