Грабеж како на филм се случи во северна Франција, при што четворица напаѓачи со динамит го дигнале во воздух сефот на поштата во градот Рубе и избегале со парите.

Во 8:30 часот наутро, кога поштата сè уште не била отворена, четири лица пристигнале пред зградата и поставиле динамит на надворешниот сеф што се користи за депонирање готовина за банкоматите. По силната експлозија, напаѓачите го земале пленот и побегнале со возило во непознат правец, објави „Ле Фигаро“.

Експлозијата предизвикала сериозна материјална штета на фасадата на поштата, но повредени нема. 

Полицијата веднаш го блокирала подрачјето, а јавниот обвинител во Лил веќе отвори истрага за грабежот. Засега не е познато колку пари биле однесени, ниту идентитетот на сторителите, кои според сведоци делувале брзо и професионално.

Пред извесно време Франција ја потресе кражба во музејот Лувр, а осомничените беа приведени. 

фото принтскрин

 Explosion à la poste de Roubaix ce matin à 8h50 pic.twitter.com/51Byo2o4vE

— 75 Secondes (@75secondes) November 12, 2025