Полицијата влегла во ресторанот „Дубровник“ во градот Саарбруекен во Германија и во подрумот го нашла Македонецот што го забарикадирал објектот.

Тој лежел во подрумот и речиси спиел. Кога го пронашле зборувал неповрзано и не бил вооружан.

По интервенцијата човекот не бил повреден, но сепак е пренесен во болница.

Тој бил сопруг на ќерката на сопственикот на ресторанот, и утрово влегол во локалот и им кажал на сите да го напуштат. Полицијата веднаш е информирана, а првичните сомнежи биле дека тој е вооружан.

По неколку часа преговори, полицијата влегла во ресторанот, и во подрумот го пронашла човекот кој е македонски државјанин. Се претпоставува дека тој имал психички проблеми.