META, компанија порано позната како Фејсбук веќе објави нови врвни слушалки и очила за виртуелна и проширена реалност, под името „Project Cambria“. За последното врвно технолошко достигнување проговори и извршниот директор Марк Цукерберг на конференцијата „Connect 2021“ која се емитуваше во живо и која се фокусираше на Метаверзумот.

Сепак, Цукерберг зборуваше за неколку карактеристики на „Проектот Камбриа“, вклучително и сензорите кои му овозможуваат на аватарот на корисникот да воспостави природен контакт со очите и изразите на лицето во реално време додека е во Метаверзумот.

Слушалките исто така ќе овозможат мешана реалност - поврзување на реалниот и виртуелниот свет за создавање нови средини - со помош на камери кои пренесуваат видео во боја со висока резолуција на екраните на очилата. Измисленото царство ќе им овозможи на луѓето да стават слушалки и очила и да влезат во виртуелниот свет каде што можат да бидат кој било или што било, сето тоа од удобноста на својот дом, пренесува „Дејли мејл“.

ФОТО: Принтскрин