Кучето по име Алекс било пронајдено живо и спасено 23 дена по катастрофалниот земјотрес што ја погоди југоисточна Турција, соопштија спасувачите, повикувајќи се на АП.

Алекс, кој микс од сибирска хаска, бил заглавен под урнатините повеќе од три недели во тешко погодениот град Антакија.

Спасувачите од централната провинција во општината Сејдишехир и ХАИТАП, турската федерација за права на животните, се упатиле кон областа откако загрижен граѓанин пријавил дека слуша звуци од под урнатата зграда, јавува Anadolu Agency.

Машкото куче е во добра состојба и покрај тоа што изгубило на тежина, јавува Анадолија.

Hatay'ın Akcurun Köyü'nde depremin yaralarını sarmak için çalışan Seydişehir Belediyesi ekipleri Alex isimli köpeği enkaz altından canlı çıkarttı.https://t.co/9VFo7SgHLy pic.twitter.com/JHw5pQztN3

— Konhaber.com (@konhaber) March 1, 2023

-Екипите на општина Сејдишехир, кои работеа на „заздравување на раните“ од земјотресот во селото Акчурун во Хатај, го изведоа живо кучето по име Алекс од под урнатините, се наведува во објавата на Твитер.

Агенцијата навела дека волонтер на ХАИТАП ова спасување го нарекол „чудо“.

Повеќе од 49.000 луѓе загинаа во земјотресот на 6 февруари и силните последователни потреси што ги погодија Турција и Сирија - највисоките во Турција.

Речиси 204.000 згради се урнаа или беа сериозно оштетени во Турција, оставајќи стотици илјади луѓе без покрив над главата. Официјални лица велат дека 14 милиони луѓе биле погодени од земјотресот, а милиони или го напуштиле или биле евакуирани од регионот погоден од земјотресот.