(ВИДЕО) ЕТНА СЕ РАЗБУДИ: Вулканот исфрла пелел, но луѓето не се евакуирани
Се активираше италијанскиот вулкан Етна на Сицилија.
Тој денеска исфрла пепел, по синоќешното исфрлање лава, соопшти италијанскиот Национален институт за геофизика и вулканологија.
И покрај активноста на Етна, жителите од градовите на падините на вулканот не се евакуирани.
Етна синоќа речиси константно исфрлаше лава во висина до 150 метри, а денеска исфрла пепел во висина од над сто метри, стои во соопштението на Институтот.
Вулканот беше разбуден и кон крајот на јули.
Етна е најголемиот активен вулкан во Европа со височина од 3,329 метри, но тоа варира според ерупциите.
Слично
Поврзани вести
