Експлозија имаше на Крим во близина на руски магацини за оружје, а Русите велат дека нема штета. 

Михаил Развозаев, гувернер на окупираниот Севастопол назначен од Русија, на својот канал на Телеграм објави дека проектил е соборен во областа Кара-Коба и се чини дека експлодирал во поле.

„Никој не е повреден, нема оштетувања ниту на инфраструктурата“, објави тој.

На местото на настанот немало пожар, јавува руската државна новинска агенција Тасс.  Севастопол е главната база на руската Црноморска флота, а градот повремено е изложен на украински напади.

Руска ракета погоди станбена зграда во украинскиот град Запорожје, при што загинаа најмалку двајца цивили, а пет се ранети. Руската инвазија на Украина почна пред повеќе од 600 дена. 

Видеото можете да го видите тука.