Француската полиција во северниот дел на Париз рано утрово покренала голема операција на апсење осомничени за терористичките напади од петокот.

Како што јавуваат локални медиуми, во Сан Дени се слушнало пукање, а се работи за обид на полицијата да ги фати лицата кои на некој начин се поврзани со нападите од петокот во кои се убиени најмалку 129 лица, а повредени повеќе од 350.

Телевизија БФМ ТВ јавува дека полицијата го гони деветиот бомбаш, за кој после прегледите на безбедносните камери се потврдило дека побегнал после нападот.

8:59 – пет уапсени

Полицијата потврдила дека жената која го активирала експлозивот е мртва. Три мажи кои се криеле во станот на осомничениот се уапсени. Уште една жена и маж се одведени во притвор, а се наоѓале во непосредна близина на станот.

8:39 – Полицијата го уапсила човекот кој им го издавал станот на терористите, во Сан Дени.

8:15 – Еден од двајцата терористи убил полицаец,а една жена се разнела откако отворила оган на полицајците кои го обиколиле станот. 

7:45- Уште не се знае каква е судбината на Абделхамид Абауд, Салах Абдеслам и неименуваниот „девет напаѓач“. Да потсетиме, 28-годишниот Абауд се смета за „мозок“ на терористичките напаид кои во петокот однесоа 129 живот во Париз за кој се мислело дека е во Сирија.

Со него наводно и е Салах Абдеслам, за кој се смета дека бил соучесник во  нападите и кој е во бегство од петокот. Неговиот брат Браихм се разнесе во текот на петочните напади во Париз.