Најмалку 30 лица загинаа кога воен авион се урна врз стамбени згради во градот Медан на Суматра, но се стравува дека бројот на жртви ќе биде уште поголем бидејќи се знае дека во авионот имало 12 членови на екипажот, а не се знае колку патници имало.

Дописникот на Ал Џезира Стефани Декер напишал на твитер дека пилотите барале да се вратат во базата после полетувањето бидејќи нешто не било во ред. Откако авионот се свртел истиот момент се урнал, напишал Декер.

Фотографиите поставени на социјалните мрежи ги покажуваат размерите на уништеното, црн дим кој се шири од местото на падот на авионот и стамбена зграда во пламен, додека масата набљудувачи се собираат на местото на несреќата.

Според најновите информации, авионот се урнал врз хотелот во Медан.

Портпаролката на болницата во Медан рекла дека до сега се донесени 20 тела. Според нејзините зборови, двајца жители на стамбената згрда се во критична состојба.

Слична несреќа се случи во Медан пред десетина години, кога Боинг 737 на авиокомапнијата Мандала се урнал после полетувањето од аеродромот во стамбената зграда усмртувајќи 143 луѓе, од кои 30 биле во згради.

Со популација од 3,4 милиони, Медан е трет најголем град во Индонезија, после Џакарта и Сурабеја.