Руското министерство за одбрана објави синоќа видео кое потврдува дека рускиот авион Су-24 ни во еден момент не го напуштил сирискиот воздушен простор.

Како што наведуваат од министерството, летачките податоци кои ги објавиле, покажуваат дека Су-24 ни во еден момент не влегол во турскиот воздушен простор и дека е нападнат додека изведувал легитимни маневри над Сирија.

Турција денеска во писмо до Советот за безбедност на Обединетите нации соопшти дека урнала неидентификуван авион кој го нарушил турскиот воздушен простор и го бранела своето право така да постапи.

Во писмото на 15-членови на Советот за безбедност и генералниот секретар Бан Ки-мун, турскиот амбасадор Халит Чевик изјавил дека два авиони утрото го нарушиле турскиот воздушен простор и дека биле предупредени околу 10 пати во тек на 5 минути да го сменат правецот.

Чевик изјавил деак двата авиона навлегле повеќе од километар и пол на територијата на Турција на 17 секунди и дека не е познато на која држава се авионите.

„По повредата (на просторот), авион 1 го напушти турскиот воздушен простор. На авион 2 е пукано додека се наоѓал на турски ваздушен простор од авиони Ф-16 кои биле во патролна мисија на тоа подрачје“, стои во писмото на Чевик.

Во писмото се наведува дека „авион 2, се урнал на сириска страна на турско-сириска граница“.

Рускиот претседател Владимир Путин изјавил денеска дека рускиот борбен авион е нападнат кога се наоѓал на километар и пол внатре во Сирија и предупредил на „сериозни последици“.

Запрашан дали Русија би можела оваа прашање да го изнесе на Советот за безбедност, рускиот амбасадор Виталиј Чуркин одговорил: „Не знам, можеби“.