Необичен настан се случи денеска во Европскиот парламент. Еврокомесарката за внатрешни работи Илва Јохансон е снимена како плете за време на годишното обраќање на претседателката на Европската комисија, Урсула фон дер Лајен во Европскиот парламент.

Јохансон е позната по љубовта кон плетењето, но ова видео предизвика бура на социјалните мрежи, а повеќето во коментари пишуваа дека говорот на претседателката бил таков што дури и комесари во Европската комисија „умреле од досада“.

Британскиот политичар и поранешен пратеник во Европскиот парламент Најџел Фараж вели дека дури и европските комесари на Урсула фон дер Лајен мислат дека она што таа има да го каже е досадно до смрт.